O Parlamento de Galicia convocou sete bolsas de formación práctica na institución, en materias de comunicación institucional, publicacións, recursos humanos e contratación e xestión parlamentaria.
Dúas bolsas en publicacións
Poden optar a estas bolsas as persoas que posúan grao en Tradución e Interpretación, cando a lingua de orixe principal da súa combinación lingüística (1.ª lingua ou lingua A1) sexa a lingua galega; grao en Lingua e Literatura Galegas; grao en Estudos de Galego e Español con itinerario en lingua galega e española; ou equivalentes.
Outros requisitos comúns a todas as bolsas son:
- Titulación obtida no ano 2018-2019 ou posterior
- Coñecemento da lingua galega no nivel de perfeccionamento ou Celga 4
Duración e contía das bolsas
As bolsas terán unha duración máxima de 12 meses desde o seu inicio.
A contía de cada bolsa é de 1300 euros mensuais, coa retención que legalmente proceder.
Prazo de presentación de solicitudes
O prazo de presentación de solicitudes é de vinte días hábiles a partir do seguinte ao da publicación do anuncio da convocatoria no DOG, publicación que se produciu no DOG do 31 de decembro de 2025.
Principal información
- Convocatoria: bolsas para o Parlamento de Galicia (Servizo de Publicacións)
- Duración: 12 meses
- Contía: 1300 euros mensuais brutos
- Requisitos:
- Grao en Tradución e Interpretación, en Lingua e Literatura Galegas, en Estudos de Galego e Español ou titulación equivalente
- Titulación de 2018-2019 ou posterior
- Celga 4
- Prazo para presentar solicitudes: 20 días hábiles logo da publicación da convocatoria no DOG do 31 de decembro de 2025.
Información máis detallada
- Anuncio da convocatoria no DOG, en .pdf (DOG do 31 de decembro 2025)
- Bases completas en .pdf (Boletín Oficial do Parlamento de Galicia do 2 de xaneiro de 2026)
- Corrección de erros, en .pdf (Boletín Oficial do Parlamento de Galicia do 9 de xaneiro de 2026)
- Información sobre a convocatoria de bolsas no web do Parlamento de Galicia
