O obxecto destas bolas é formar expertos/as en colaboración coa ANL en labores de implantación efectiva do Plan de normalización lingüística da UVigo e na posta en marcha de campañas de normalización.
Requisitos das persoas solicitantes
- Ser estudante da Universidade de Vigo de Filoloxía Galega ou de Tradución (lingua A: galega) no curso 2008/2009 e ter cursados, cando menos, a metade dos créditos da licenciatura.
- Posuír a nacionalidade española ou ser nacional dun país da UE.
Criterios de valoración
Valoraranse os seguintes méritos:
- o expediente académico
- a experiencia en traballos de normalización
- coñecemento das linguas de traballo na UE
- o manexo de medios electrónicos e dixitais
As persoas candidatas poderán ser convocados a unha entrevista persoal
Prazo e lugar de presentación de solicitudes
O prazo para presentar solicitudes remata o día 29 de xaneiro. As solicitudes deberán dirixirse ao vicerreitor de Relacións Institucionais e poderán presentarse en calquera dos rexistros da Universidade de Vigo.
Pode consultarse a convocatoria completa nesta ligazón.
