Convocatoria de bolsa de formación en publicacións no Parlamento

O Parlamento de Galicia convoca unha bolsa de formación para desenvolver tarefas no Servizo de Publicacións desta institución.

Poden optar a esta bolsa as persoas que posúan o grao ou licenciatura universitaria en Tradución e Interpretación, na que a lingua de orixe principal da súa combinación lingüística (1ª lingua ou lingua A1) sexa a lingua galega, ou a licenciatura en Filoloxía Galega.

A contía da bolsa é de 12.000 euros brutos, a razón de 1.000 brutos ao mes.

O prazo de presentación de solicitudes é de vinte días naturais, contados a partir do seguinte ao da publicación deste anuncio no DOG.

As bases poden consultarse aquí (.pdf), no Boletín Oficial do Parlamento de Galicia.