Convocadas as probas para a obtención dos certificados Celga 1 e Celga 4

Poderán presentarse a estas probas as persoas maiores de 16 anos ou que os cumpran antes de finais do ano 2007, nacionais ou estranxeiras, con DNI ou pasaporte vixente.

Prazo de inscrición:

– Para o Celga 1: até o día 16 de novembro de 2007 (inclusive)

– Para o Celga 4: ata o día 28 de novembro de 2007 (inclusive)

Datas de realización das probas:

– Celga 1: 1 de decembro de 2007 (sábado), ás 9:00 h

– Celga 4: 15 de decembro de 2007 (sábado), ás 9:00 h

Lugares onde se van realizar as probas:

A Coruña, Santiago de Compostela, Lugo, Ourense e Vigo.

Contía das taxas de exame: 15 euros

Inscrición: poderase realizar mediante a presentación da solicitude que figura no anexo I da convocatoria.

Desenvolvemento das probas:

– Celga 1: a proba escrita terá unha duración de 2,30 horas, das 9.00 h ás 11:30 h da mañá. Ás 13.00 h comezarán as probas orais e os/as aspirantes serán chamados/as por orde alfabética (a-z). A proba oral terá unha duración de 15 minutos, aproximadamente, e será realizada por dous/dúas técnicos/as avaliadores/as.

– Celga 4: a proba escrita terá unha duración de 3 horas, das 9.00 h ás 12.00 h da mañá. Ás 13.00 h comezarán as probas orais, os/as aspirantes serán chamados/as por orde alfabética (a-z). A proba oral terá unha duración de 20 minutos, aproximadamente, e será realizada por dous/dúas técnicos/as avaliadores/as.

O texto íntegro da convocatoria, aquí.