Os cinco equipos participantes debaterán, na fase preliminar do sábado 19, sobre o tema “Deberíase alongar a vida dunha persoa mentres a técnica o permita?”. Ao final da xornada o xurado dará a coñecer os dous equipos que pasarán ao debate final, o sábado 26 de febreiro, co tema “Deberían os gobernos promover os medios de comunicación en galego?”. A entrada aos debates está aberta ao público.
A información completa desta convocatoria pódese descargar aquí (.pdf) >
Obxectivos:
- Favorecer o emprego da lingua galega na mocidade, especialmente o uso oral en contextos formais e informais.
- Traballar no afondamento e no coñecemento dunha das habilidades sociais máis importante: a fluidez comunicativa, ligada á oratoria.
- Incitar o pensamento crítico e analítico sobre temas de actualidade, deixando de lado os estereotipos da mocidade en canto intereses e preferencias.
- Fomentar a diversidade de opinións, a tolerancia fronte a diferentes cuestións e o traballo en equipo.
- Colaborar cos ENDL dos centros de ensino secundario no labor de dinamización do uso da lingua galega para acadar a normalización do idioma.
Xurado
Xornalistas:
– Susana Pedreira, Onda Cero
– Óskar Viéitez, Radio Pontevedra e Localia
– Alfonso González, Radio Voz
Especialistas en lingua:
– Salomé Díaz, docente de lingua e literatura galegas en secundaria
– Anxos Sobriño, técnica do Servizo Lingüístico da Audiencia Provincial de Pontevedra
Equipos
-Colexio Salvador Moreno
-IES Torrente Ballester
-IES Valle Inclán
-IES A Xunqueira
-IES Luís Seoane
Fase preliminar: sábado 19 de febreiro de 2011, no Pazo da Cultura, a partir das 9.30 h
Tema: Deberíase alongar a vida dunha persoa mentres a técnica o permita?
Fase final: sábado 26 de febreiro de 2011, no Café Moderno, ás 11.30 horas
Tema: Deberían os gobernos promover os medios de comunicación en galego?
Premios:
-Equipo campión: viaxe dunha fin de semana e vale de 300 € para os membros do equipo, para mercar libros e/ou banda deseñada en galego.
-Equipo finalista: vale de 300 € para os todos membros do equipo, para mercar libros e/ou banda deseñada en galego.
+Info (.pdf) >
Relacionado: A Coruña acolle un ano máis o certame de debate Falamos
