A mostra, que está coordinada por Anxo Lorenzo, permanecerá no convento de San Martiño Pinario de Santiago até o 28 de xullo, para logo comezar unha andaina que a levará a diferentes localidades galegas, españolas, a Buenos Aires e a Bruxelas durante 2008 e 2009.
A exposición, cuxo orzamento é de 1.485.000 €, conta cun espazo de quiñentos metros cadrados e con catro módulos temáticos (As orixes, Isto é galego, As nosas palabras, os nosos mundos e A nosa lingua na nosa vida) e para a súa divulgación tamén se creou unha páxina web, http://www.asnosaspalabras.org, que permanecerá activa logo de rematar a itineraxe.
