Bolsas de colaboración co Consello da Cultura Galega

No DOG do 3 de marzo publícase a Resolución do 23 de febreiro de 2009 pola que se aproban as bases que rexerán a convocatoria pública de dezasete bolsas de colaboración en proxectos de investigación que se están a desenvolver no Consello da Cultura Galega.

Trátanse de, en concreto, 17 bolsas de colaboración nos diferentes proxectos do CCG, dos que cómpre salientarmos as seguintes:

Dúas bolsas para colaborar no Centro de Documentación Sociolingüística de Galicia.

Para esta bolsa é necesario ser licenciada/o en filoloxía galega e valoraranse como méritos os seguintes:
- Posuír coñecementos de servizos lingüísticos ou de normalización lingüística ou de actividades de dinamización lingüística e estudos ou traballos de sociolingüística galega.
- Posuír coñecementos de Access e Excel.
- Posuír coñecementos da internet.

Unha bolsa para colaborar na Área de Publicacións

Esta bolsa ten como finalidade colaborar na Área de Publicacións do Consello da Cultura Galega. É requisito ser licenciada/o en filoloxía galega e valorarase como mérito:
- Posuír coñecementos de tradución e corrección.
- Posuír coñecementos de edición de textos.
- Posuír coñecementos de informática.

O prazo para presentar solicitudes é de 1 mes que contará a partir de se publicar a convocatoria no DOG.