O Concello de Narón acaba de anunciar a creación dunha bolsa de emprego para a cobertura temporal dunha praza de técnico/a de normalización lingüística. No Boletín Oficial da Provincia da Coruña publicouse o anuncio da convocatoria e no web do concello están o Regulamento da selección de persoal funcionario interino e laboral temporal do Concello de Narón, o modelo de solicitude e o formulario de presentación de méritos.
TITULACIÓN REQUIRIDA: licenciatura en Filoloxía Galego-Portuguesa, Filoloxía Galega ou Filoloxía Hispánica (subsección galego-portugués), ou Grao en Lingua Galega.
PRAZO PARA PRESENTAR SOLICITUDES: 20 días naturais desde o seguinte ao da publicación do anuncio no BOP (até o 14 de febreiro)
SISTEMA DE SELECCIÓN: concurso de méritos en que se valorará:
– a superación de probas selectivas relacionadas co posto no Concello de Narón
– a experiencia laboral na mesma especialidade, corpo, escala, subescala ou categoría no Concello de Narón, noutras administracións e noutras entidades ou empresas
– cursos relacionados coa actividade
– coñecemento da lingua galega (só se valorará o grao superior que se alegue)
Tamén se poderá realizar unha entrevista persoal (opcional) de acordo co que decida o órgano de selección e tendo en conta as características do posto.
Anuncio no BOP, en .pdf
Regulamento, modelo de solicitude e formulario para alegar os méritos, tamén en formato .pdf
Bolsa de emprego de TNL no Concello de Narón
O Concello de Narón publicou no BOP da Coruña de hoxe a inclusión na bolsa de traballo de 2017 dunha praza de técnico/a de normalización lingüística. O prazo para presentación de solicitudes é de 20 días naturais.
