O Concello de Arzúa convoca un proceso selectivo para crear unha bolsa de emprego para o nomeamento de funcionarios/as interinos/as do grupo A1 como técnicos/as de normalización lingüística.
FUNCIÓNS DA PRAZA
Serán as propias dun/dunha técnico/a de normalización lingüística de acordo coas bases da convocatoria de axudas da Deputación Provincial da Coruña (consulta aquí as últimas convocadas). Daquela, divídense en funcións xerais internas, de dinamización lingüística, de formación, de asesoramento interno e de coordinación con outras administracións.
REQUISITOS DE TITULACIÓN
De acordo coa base 5.ª son as seguintes:
- licenciatura/grao en filoloxía galego–portuguesa, filoloxía galega ou filoloxía hispánica (sección galego–portuguesa)
- outras titulacións superiores (lienciados/as ou graduados/as) pertencentes ás áreas de humanidades ou de ciencias xurídicas e sociais, sempre que estean en posesión do certificado de lingua galega do nivel 5 (Celga 5).
SISTEMA DE SELECCIÓN
O proceso selectivo seá mediante oposición libre, que incluirá dous exercicios obrigatorios e eliminatorios:
- a) Proba teórica: consistirá en responder un cuestionario sobre o temario do anexo I das bases. A proba terá 30 preguntas con catro respostas alternativas e deberá realizarse nun tempo máximo de 45 minutos. A cualificación máxima deste proba é de 15 puntos e para superala é necesario acadar 7,5 puntos.
- b) Proba práctica: consistirá en realizar un suposto práctico determinado polo tribunal relacionado cun suposto/situación de índole teórico–práctica, referido ao contido do temario anexo e relacionado coas funcións do posto de traballo, e deberá realizarse nun tempo máximo de 60 minutos. A cualificación máxima deste exercicio será de 20 puntos e para superalo haberá que acadar 10 puntos.
PRAZO
Será de 10 días naturais desde o día seguinte á publicación do anuncio da convocatoria no BOP. En consecuencia, o prazo está aberto até o 13 de maio.
DURACIÓN DA BOLSA DE EMPREGO
A bolsa de emprego terá unha validez de tres anos.
Bases completas, convocatoria, temario e modelo de solicitude, en .pdf (BOP do 3 de maio de 2024)
