A Deputación Provincial da Coruña publicou as bases das axudas para a creación, mantemento e reforzo de servizos de normalización lingüística nas entidades locais. As bases da convocatoria publicáronse no BOP da Coruña do 10 de xaneiro de 2019.
ENTIDADES BENEFICIARIAS
Poderán solicitar esta subvención concellos da provincia da Coruña de 5.000 ou máis habitantes ou agrupacións de concellos e mancomunidades que, entre eles, cheguen ao mesmo número mínimo de habitantes.
MODALIDADES DE AXUDAS:
A convocatoria prevé tres modalidades de axudas:
– creación de novos servizos de normalización lingüística
– mantemento de servizos de normalización lingüística xa existentes
– reforzo de servizos de normalización lingüística xa existentes (única modalidade a que poden concorrer as cidades da provincia, A Coruña, Ferrol e Santiago de Compostela)
IMPORTE DAS AXUDAS
O importe total do crédito consignado (480.000 euros) distribuirase a partes iguais entre as entidades beneficiarias, que recibirán unha cantidade fixa máxima de 12.000 euros. Con este importe financiaranse as retribucións do persoal técnico dos servizos de normalización lingüística (SNL).
PRAZO PARA A PRESENTACIÓN DE SOLICITUDES
De acordo coa base 7.1 da convocatoria, os prazos de inicio e fin de presentación de solicitudes determinaranse a partir da publicación no BOP da convocatoria segundo a remisión da Base de Datos Nacional de Subvencións (BDNS).
O extracto da convocatoria publicouse no BOP da Coruña do 21 de xaneiro e establece que o prazo para solicitar as axudas vai do 16 de xaneiro ao 15 de febreiro ás 14.00 h.
Así mesmo, tamén se especifica o prazo de xustificación das subvencións unha vez concedidas: até as 14:00 horas do 30 de abril de 2020.
Máis información nas bases específicas reguladoras desta convocatoria, en .pdf (BOP do 10 de xaneiro de 2019)
Extracto da convocatoria, en .pdf (BOP do 21 de xaneiro de 2019)
ADDENDA
– Resolución provisional da convocatoria publicada no BOP da Coruña do 11 de abril de 2019, en .pdf
Bases da convocatoria de subvencións para SNL nas entidades locais da Deputación Provincial da Coruña
A Deputación Provincial da Coruña anunciou no BOP do 10 de xaneiro de 2019 as bases reguladoras da convocatoria de subvencións para a creación, mantemento e reforzo de SNL durante o ano 2019, dirixida a entidades locais. O prazo para solicitar as axudas é até o 15 de febreiro ás 14.00 h.
