Cunha perspectiva de multiculturalidade e diversidade pretenden que a lingua galega sexa para as persoas de orixe estranxeira outro factor máis de integración na sociedade viguesa ao mesmo tempo que a cidadanía coñece as diferentes culturas e linguas que chegaron até nós polo vieiro da inmigración.
Con ese motivo organizan uns cursos básicos de lingua galega que permitan un achegamento á lingua e á cultura galega de xeito progresivo e adaptado ás necesidades do alumnado. O obxectivo é facilitar a integración da poboación de orixe estranxeira a través dunhas nocións básicas para a comprensión oral e escrita, e para a fala, ademais de dar a coñecer a historia e situación de Galiza.
Haberá dous cursos que terán lugar no Instituto Castelao (Aragón, 22. Calvario):
CURSO A
-Para alumnado matriculado na ESO e Bacharelato
-Martes, mércores e venres de 17.45 h a 20.45 h
CURSO B
-Para persoas adultas
-Martes e mércores de 20.00 h a 22.15 h e venres de 20.00 a 21.45 h
Máis información no SNL do Concello de Vigo
Achégate ao galego: cursos básicos de lingua galega en Vigo
O SNL de Vigo desenvolve o programa de actuacións "En galego tamén noutros mundos" que iniciou cunha festa multicultural en novembro de 2009 e que continúa con diversa propostas en 2010. Desta volta, dentro deste programa, organizan cursos básicos de galego para persoas chegadas de fóra do país
