O SNL de Vigo desenvolve o programa de actuacións “En galego tamén noutros mundos” que iniciou cunha festa multicultural en novembro de 2009 e que continuou con diversa propostas en 2010.
Cunha perspectiva de interculturalidade e diversidade pretenden que a lingua galega sexa para as persoas de orixe estranxeira outro factor máis de integración na sociedade viguesa ao mesmo tempo que a cidadanía coñece as diferentes culturas e linguas que chegaron até nós polo vieiro da inmigración.
Con ese motivo, o SNL de Vigo ideou un curso básico de lingua galega que permita un achegamento á lingua e á cultura galega de xeito progresivo e adaptado ás necesidades do alumnado. O obxectivo é facilitar a integración da poboación de orixe estranxeira a través dunhas nocións básicas para a comprensión oral e escrita, e para a fala, ademais de dar a coñecer a historia e situación de Galiza.
O vindeiro curso terá lugar no Instituto Santa Irene (Praza de América s/n)
Comezo: 24 de xaneiro
Finalización: 17 de febreiro
Número de horas: 24 horas
Horario: luns, mércores e xoves de 20.00 a 22.00 horas
Destinatarios: poboación de orixe estranxeira, emigrantes retornados e poboación de fóra da nosa comunidade
Grupo mínimo de 12 persoas
Información e inscricións:
Servizo de Normalización Lingüística
Tfno. 986 810 281
correo: ofi.normalizacion2@vigo.org
Achégate ao galego. Curso de lingua para novos/as galegos/as en Vigo
Dentro do programa "En galego tamén noutros mundos", o SNL de Vigo desenvolve un novo curso básico de galego para persoas chegadas de fóra do país. O curso terá lugar durante os meses de xaneiro e febreiro de 2011
