Ao abeiro da Lei 20/2021, do 28 de decembro, de medidas urxentes para a redución da temporalidade no emprego público, a Xunta de Galicia publicou no DOG do 26 de decembro as convocatorias de 12 prazas de expertos lingüistas (funcionarios do grupo A1), 11 prazas de titulado/a superior lingüista (persoal laboral do grupo I, categoría 40) e dunha praza de tradutor/a intérprete da Administración de xustiza (persoal laboral do grupo III, categoría 52) .
SISTEMA DE SELECCIÓN
Concurso de méritos, onde se valorarán os méritos profesionais (até 70 puntos) e outros méritos (até 30 puntos).
REQUISITOS DE TITULACIÓN
– Escala de expertos/as lingüistas (A1) e titulado/a superior lingüista (grupo I, categoría 40): licenciatura en Filoloxía Galega ou licenciatura en Filoloxía Hispánica, especialidade Galego-Portugués, ou grado en Lingua e Literatura Galegas.
– Tradutor/a intérprete da Administración de xustiza (grupo III, categoría 52): bacharel ou técnico/a.
PRAZO DE PRESENTACIÓN DE SOLICITUDES
Inicialmente era de 20 días hábiles desde o día 16 de xaneiro de 2023.
Por mor dunha modificación das bases publicada no DOG do 23 de xaneiro de 2023, o prazo de presentación de solicitudes amplíase até o 17 de febreiro.
Bases e convocatoria das prazas dos grupos A1 e I, en .pdf (DOG do 26 de decembro de 2022)
Bases e convocatoria das prazas do grupo III, en .pdf (DOG do 26 de decembro de 2022)
Modificación das bases, en .pdf (DOG do 23 de xaneiro de 2023)
Información sobre todos os procesos selectivos ao abeiro da Lei 20/2021 que afectan a prazas de lingua aquí e aquí.
A Xunta de Galicia convoca diferentes prazas de lingua no proceso de estabilización de emprego temporal
A Xunta de Galicia publica no DOG de hoxe a convocatoria de 12 prazas da escala de expertos/as lingüistas, 11 prazas de titulado/a superior lingüista e dunha praza de tradutor/a intérprete da Administración de xustiza. O sistema de selección é o concurso e o prazo de presentación de solicitudes é de 20 días hábiles desde o 16 de xaneiro de 2023.
