A música como ferramenta normalizadora a análise nos XXVIII Encontros para a Normalización Lingüística

Co título Música, orgullo e identidade, os XXVIII Encontros para a Normalización Lingüística buscan analizar, dende unha perspectiva interdisciplinaria, o potencial da música como motor de cambio sociolingüístico, atendendo especialmente á súa capacidade para xerar identificación, prestixio e comunidade arredor do galego.

Ao longo dunha xornada de traballo e mediante catro mesas coloquio, estudarase se a emerxencia dunha nova escena musical en galego que consegue interpelar de maneira directa a mocidade adolescente pode contribuír á ampliación da base social da lingua a través do fenómeno do contexto neofalante, entendido non só como un cambio de código lingüístico, senón como un proceso complexo de construción de identidade e pertenza. A xornada pecharase coa actuación de XMaseda e convidados/as.

Os XXVIII Encontros para a Normalización Lingüística terán lugar o 20 de outubro de 2026, na Facultade de Ciencias da Comunicación, Campus Norte, avenida de Castelao, s/n, 15782 Santiago de Compostela.

PROGRAMA

Sesión da mañá

• 9:45 horas: inauguración
• 10:00 horas: Da raíz á vangarda: continuidade e cambio na música en galego
  – Xosé Luís Rivas Cruz, Mini
  – Xurxo Souto
  – Guadi Galego
  – Faia Díaz [De Vacas]
  Coordina e modera: Manuel Maseda
• 11:30 horas: pausa
• 12:00 horas: Crear en galego: entre o compromiso, o mercado e a identidade
  – Marta Álvarez [De Ninghures]
  – Hugo Guezeta
  – Belém Tajes
  – Nuno Pico, Grande Amore
  Coordina e modera: Bernardo Penabade
• 13:30 horas: peche da sesión da mañá

Sesión da tarde

• 16:30 horas: Difusión, redes e neofalantismo: como medra a comunidade
  – Fátima Pego
  – Ortiga
  – Antía Muíño
  – MØU [Dios Ke Te Crew]
  Coordina e modera: Luz Castro
• 18:00 horas: pausa
• 18:15 horas: Música urbana e adolescencia: socialización lingüística en novos espazos
  – XMaseda
  – O Rabelo
  – Laura LaMontagne
  – 9Louro
  Coordina e modera: Ana Iglesias
• 19:15 horas: actuación de peche: XMaseda
• 20:00 horas: clausura

INSCRICIÓN

A inscrición nos XXVIII Encontros para a Normalización Lingüística é gratuíta e debe facerse a través do formulario desta páxina. O número de prazas é limitado (300 persoas) e cubriranse por rigorosa orde de inscrición.

Organiza: Centro de Documentación Sociolingüística de Galicia do Consello da Cultura Galega coa colaboración da Xunta de Galicia (Secretaría Xeral da Lingua)

Programa en .pdf