Esta campaña xorde con motivo da aprobación do Decreto 79/2010 para o plurilingüismo no ensino non universitario de Galicia. O obxectivo da campaña é convidar as familias á reflexión sobre a necesidade da súa implicación para que as súas fillas e os seus fillos poidan adquirir plena competencia en lingua galega, tendo en conta a mingua na promoción do galego no ensino que supón a nova lexislación aprobada recentemente pola Xunta de Galicia.
Esta campaña informativa está dirixida ás familias que van matricular os seus fillos e as súas fillas para o curso 2010-2011, no ensino infantil. O texto informativo da campaña foi traballado conxuntamente e validado por todos os centros de ensino infantil e primario do concello de Pontevedra.
O Concello de Pontevedra, a través da Concellaría de Normalización Lingüística, realizou o deseño e a impresión de 2.500 folletos informativos que chegarán ás familias durante este mes de xuño, a través dos centros de ensino infantil e primario do concello. Ademais, o Concello reforzará esta campaña por medio de carteis e lonas para as rúas do centro da cidade, así como con insercións na radio e na prensa escrita local.
No desenvolvemento desta campaña, cómpre destacar a implicación activa da totalidade dos 22 centros públicos do concello, ademais da colaboración de parte dos centros de ensino concertado.
–Folleto informativo da campaña en Pontevedra (.pdf) >
–Folleto informativo sen logos, para poder ser utilizado en calquera lugar (.pdf) >
A escola, unha oportunidade para aprender
O Concello de Pontevedra e os centros de ensino do municipio desenvolven a campaña conxunta A escola, unha oportunidade para aprender, coa que convidan as familias á reflexión sobre a necesidade da súa implicación para que os as súas fillas e os seus fillos poidan adquirir plena competencia en lingua galega
