A Deputación Provincial da Coruña anunciou unha axuda de 480.000 euros para a creación, mantemento e reforzo de servizos de normalización lingüística nas entidades locais. As bases da convocatoria publicáronse no BOP da Coruña do 19 de decembro de 2017.
ENTIDADES BENEFICIARIAS
Poderán solicitar esta subvención concellos da provincia da Coruña de 5.000 ou máis habitantes ou agrupacións de concellos e mancomunidades que, entre eles, cheguen ao mesmo número mínimo de habitantes.
MODALIDADES DE AXUDAS:
A convocatoria prevé tres modalidades de axudas:
– creación de novos servizos de normalización lingüística
– mantemento de servizos de normalización lingüística xa existentes
– reforzo de servizos de normalización lingüística xa existentes (única modalidade a que poden concorrer as cidades da provincia, A Coruña, Ferrol e Santiago de Compostela)
IMPORTE DAS AXUDAS
O importe total do crédito consignado (480.000 euros) distribuirase a partes iguais entre as entidades beneficiarias, que recibirán unha cantidade fixa máxima de 12.000 euros. Con este importe financiaranse as retribucións do persoal técnico dos servizos de normalización lingüística (SNL).
PRAZO PARA A PRESENTACIÓN DE SOLICITUDES
De acordo coa base 7.1 da convocatoria, os prazos de inicio e fin de presentación de solicitudes determinaranse a partir da publicación no BOP da convocatoria segundo a remisión da Base de Datos Nacional de Subvencións (BDNS). A publicación desta convocatoria (en extracto) produciuse o 4 de xaneiro de 2018 e estableceu como prazo do 5 ao 19 de xaneiro de 2018 ás 14:00 horas.
Así mesmo, tamén se especifica o prazo de xustificación das subvencións unha vez concedidas: até as 14:00 horas do 29 de abril de 2019.
Máis información nas bases específicas reguladoras desta convocatoria, en .pdf.
Extracto, en .pdf.
ADDENDAS
– Resolución provisional da convocatoria publicada no BOP da Coruña do 20 de marzo de 2018, en .pdf
– Resolución definitiva da convocatoria publicada no BOP da Coruña do 23 de abril de 2018, en .pdf
A Deputación da Coruña publica as bases da convocatoria de subvencións para servizos de normalización lingüística durante 2018
A Deputación Provincial da Coruña anunciou no BOP do 19 de decembro de 2017 as bases reguladoras da convocatoria de subvencións para a creación, mantemento e reforzo de SNL durante o ano 2018, dirixida a entidades locais. Prazo para solicitar as axudas: até o 19 de xaneiro de 2018.
