Este peche provoca, ademais, que 19 profesionais, entre os que hai varios/as lingüistas, queden sen traballo, o que desde a CTNL lamentamos de xeito especial e aos/ás que lles enviamos o noso total afecto e moito ánimo.
O apoio aos medios de comunicación en galego ten que ser fundamental para o proceso de normalización da lingua galega, mais para o apoio económico e a contratación de publicidade por parte da Xunta de Galicia, o uso da lingua galega non é un factor que se ten en conta, e a administración opta no reparto de axudas e na contratación de publicidade institucional por medios galegos e estatais nos que a lingua galega ten unha presenza residual e, nalgúns casos, incluso un tratamento claramente pexorativo, o que desde a CTNL non podemos deixar de criticar.
Na actualidade, ademais da radio e televisión pública galega, os únicos medios xeralistas existentes na nosa lingua son:
- De Luns a Venres, publicación gratuíta que se edita cinco días á semana (de luns a venres) e se distribúe nas cidades: http://lv.galiciae.com/
- Tempos Novos, revista mensual de información para o debate: http://www.temposdixital.com/
- A Nosa Terra Dixital, que mantén a súa edición dixital: http://www.anosaterra.org/
- O Sil, periódico mensual en papel que se distribúe na zona de Valdeorras: www.osil.info
O Grupo Correo Gallego manterá o espírito de Galicia Hoxe na rede dende www.galiciahoxe.com. Este xornal, herdeiro de O Correo Galego (que se editou entre 1996 e 2003) publicouse por primeira vez o 17 de maio de 2003.
