- En Nadal, tamén a túa mesa en galego
Símbolo de orixe e calidade, valor engadido, sorpresa, con sumo gusto… Durante estas festas é habitual xuntarse ao redor dunha mesa para comer, e hai produtos de calidade etiquetados en galego que podemos utilizar. Viños, licores, auga, cervexa, carnes, lácteos e queixos, marmeladas, mel, aceite…
- Queremos Galego reparte bandeirolas, adhesivos de automóbil e postais dirixidas ao presidente da Xunta
A plataforma en defensa da lingua Queremos Galego iniciou a distribución de adhesivos para poñer no automóbil, de bandeirolas para pór en lugares visíbeis e de postais dirixidas ao presidente da Xunta para convidalo a reflexionar e na que se desexa que en 2010 el tamén queira galego.
- Agasallos para o Nadal, software libre en galego, educación e lingua, etc. Todo no último número do Cartafol Dixital da USC
Xa está dispoñíbel o número de decembro de O Cartafol Dixital, a revista electrónico sobre normalización lingüística da Universidade de Santiago de Compostela.
- Que facemos coa lingua?, monográfico sobre lingua e ensino do STEG
O número 0 da nova revista para o debate que o sindicato STEG acaba de publicar é un monográfico que aborda a cuestión do galego no ensino. Co título Que facemos coa lingua?, este número 0 da revista conta coa colaboración de Séchu Sende, Valentina Formoso, Nel Vidal, Emilio Insua, Miguel Louzao, Valentim R. Fagim, Ana M.ª Pérez Rico, Pablo Gamallo e Carlos Negro.
- O programa televisivo Ben falado!, agora en DVD
Unha antoloxía de oitenta e dous capítulos do microespazo divulgativo sobre a lingua galega da Televisión de Galicia, Ben falado!, edítase agora en DVD, e xa está á venda nas principais librarías do país. Ademais, a SXPL enviarállelo aos centros de ensino e aos centros de estudos galegos do exterior, mais non aos SNL.
[69] Últimas novas (23/12/09)
En Nadal, tamén a túa mesa en galego Símbolo de orixe e calidade, valor engadido, sorpresa, con sumo gusto… Durante […]
