A CTNL denuncia a paralización da creación do Consorcio para a Planificación Lingüística
A Secretaría Xeral de Política Lingüística incumpre todos os acordos e paraliza a creación do Consorcio para a Planificación Lingüística despois de ser anunciado en repetidas ocasións, de estar previsto nos orzamentos da Xunta de 2007 e de 2008 e de ser presentado e aprobado no Parlamento.
A CTNL informará ao presidente da Xunta do malestar por este feito e pediralles aos tres grupos parlamentarios que controlen a acción executiva da Secretaría Xeral de Política Lingüística ante o incumprimento dun mandato parlamentario e ante a non execución dos orzamentos para o que foron aprobados.
