O futuro inmediato. O que as organizacións políticas queren facer coa lingua na vindeira lexislatura
Co obxectivo de dar a coñecer as posturas lingüísticas das organizacións políticas e os proxectos de política lingüística para a vindeira lexislatura, ofrecemos no web da CTNL, de xeito esquemático, unha análise das propostas en materia de lingua dos programas que as distintas formacións presentan de cara ás eleccións ao Parlamento galego do 1 de marzo.
Análise da acción de política lingüística desde o goberno galego nos últimos catro anos e propostas para a vindeira lexislatura
As accións da Secretaría Xeral de Política Lingüística motivaron nos últimos anos amplos debates. Ao rematar a lexislatura, os XI Encontros para a Normalización Lingüística analizaron esta actuación. Achegamos no web da CTNL o relatorio completo no que se analiza a acción de política lingüística na última lexislatura e que foi presentado polo presidente da CTNL, como membro da comisión técnica do CDSG, nos XI Encontros para a normalización lingüística.
