A Coordinadora de Traballadores/as de Normalización da Lingua (CTNL) reúnese en Asemblea Xeral Ordinaria o sábado 8 de marzo en Santiago de Compostela.
-DÍA: sábado 8 de marzo de 2014
-Hora da primeira convocatoria: 11.30 h
-HORA da segunda convocatoria: 12.00 h
-LUGAR: Restaurante Espazo Cultural A Nave de Vidán (Avda. da Mestra Victoria Míguez 44. Santiago de Compostela)
DOCUMENTACIÓN PARA A ASEMBLEA
Para que poidas preparar mellor as túas achegas e propostas e así facermos entre todas e todos unha asemblea máis áxil, dinámica, participativa e produtiva, achegámosche aquí as ligazóns para que poidas descargar en .pdf a seguinte documentación:
– Convocatoria completa, coa orde do día >
– Acta da Asemblea de 2013, para que poida ser aprobada nesta de 2014 >
– Informe-memoria de xestión da CTNL en 2013, para analizarmos na asemblea o traballo feito >
ELECCIÓN DE XUNTA DIRECTIVA
Lembrámosche que, segundo os estatutos da CTNL, a Xunta Directiva estará integrada por un/unha presidente/a, un/unha secretario/a, un/unha tesoureiro/a e seis vogais (art. 24) e que os cargos da Xunta Directiva terán unha duración de dous anos (art. 25). Deste xeito, poderanse presentar candidaturas á Xunta Directiva até 72 horas antes da Asemblea (mércores 5 de marzo, ás 11.30 h), para o que se deberá enviar a candidatura por correo electrónico a info@ctnl.org, na que deberán figurar os nomes, apelidos e números de documentos de identidade dos/as socios/as que a compoñen, e sempre co visto e prace desas persoas.
Xantar de confraternidade lingüística
O mesmo día da Asemblea da CTNL celebraremos, no mesmo espazo, unha lacoada de confraternidade lingüística, na que nos gustaría contar coa túa participación.
-Lugar: Restaurante A Nave de Vidán (Avda. da Mestra Victoria Míguez 44. Santiago de Compostela)
-Hora: 14.30 h.
-Menú: lacoada (lacón, chourizos, patacas, grelos, viño tinto e outras bebidas, queixo e rosca de sobremesa e café de pota).
-Prezo: 20 euros.
-Confirmación: debes confirmar a túa asistencia ao xantar ata o 5 de marzo, no enderezo-e info@ctnl.org ou no teléfono 629 571 950.
