Xornadas Educación e Linguas: 30 anos da Lei de normalización lingüística
A Universidade de Santiago de Compostela organiza as V Xornadas Educación e Linguas. 30 anos da Lei de normalización lingüística de Galicia. Desenvolveranse os días 25 e 26 de outubro de 2013 na Facultade de CC. da Educación, co obxectivo principal de analizar a implementación da Lei de normalización lingüistica
O Campus de Lugo da USC acolle o Foro Proxéctate en Galego
As comisións de normalización lingüística do Campus de Lugo da USC organizan o Foro 2013 Proxéctate en Galego, un espazo de reflexión e debate sobre a normalización do idioma galego destinado á comunidade universitaria que terá lugar do 18 ao 20 de outubro
II edición do Premio Empresarial Abertos ao Galego
A Mesa pola Normalización Lingüística convoca por segundo ano o Premio Abertos ao Galego, un galardón co que se recoñece unha empresa que destaque polo uso normal do idioma do país. O prazo para a presentación de candidaturas remata o día 31 de outubro de 2013
O Parlamento Europeo pide un maior compromiso dos gobernos coas linguas minorizadas
O Parlamento Europeo aprobou o 11 de setembro de 2013 unha Resolución sobre as linguas europeas ameazadas, a través da que lles pide aos estados maior atención e que se comprometan coa preservación da diversidade lingüística implementando políticas de revitalización dos idiomas ameazados
Vigo crea o Centro Municipal de Interpretación da Oralidade en galego
O Concello de Vigo creou o Centro de Interpretación da Oralidade, para recuperar, poñer en valor e transmitir o patrimonio inmaterial das tradicións orais galegas. A actividade do centro arrancará o 2 de outubro
Contratación temporal de técnico/a de normalización en Vigo
O Concello de Vigo anuncia a contratación laboral temporal, por acumulación de tarefas, de técnico/a de normalización lingüística, por un período de dous meses e medio. O prazo de solicitude remata o 8 de outubro
AXENDA DA LINGUA
15 de outubro
>Remata o prazo para inscribirse no foro Proxéctate
18 de outubro
>Remata prazo inscrición Xornadas Educación e Linguas
Do 18 ao 20 de outubro, en Lugo
>Foro Proxéctate en Galego
25 e 26 de outubro en Santiago de Compostela
>Xornadas Educación e Linguas: 30 anos da Lei de normalización lingüística
31 de outubro
>Remate prazo presentación premio Abertos ao Galego
8 de novembro
>Remate prazo Premio Luísa Villalta iniciativas normalizadoras
