Coas túas ideas e propostas poderanse poñer en marcha proxectos ilusionantes para a lingua como está sendo, por exemplo, o de Gústame o galego, e como poderán ser as propostas presentadas este ano ao Viveiro.
A creación duns paquetes de divulgación e animación lingüística, accións para a mellora da comunicación publicitaria en galego, unha campaña de visibilización do uso do galego nos medios, a creación duns premios a accións normalizadoras, acompañar as netas e os netos en galego, unha feira, a difusión da música en galego en pubs…
As propostas son moitas! Bótalle un ollo aquí e anótate para participar na súa maduración e desenvolvemento a través dun grupo de traballo coordinado pola persoa que a propuxo. Para iso, envía un correo a viveiro@ctnl.org até mañá, venres 14 indicando en que proposta(s) colaboras.
Veña, veña…
