Convocatoria de Asemblea Xeral Ordinaria 2013
Benquerida/o socia/o,
Compráceme convocarte á Asemblea Xeral Ordinaria da Coordinadora de Traballadores/as de Normalización da Lingua (CTNL).
-Día: sábado 2 de marzo de 2013
-Hora da primeira convocatoria: 11.30 h
-Hora da segunda convocatoria: 12.00 h
-Lugar: Restaurante Espazo Cultural A Nave de Vidán (Avda. da Mestra Victoria Míguez 44. Santiago de Compostela)
Orde do día
1.Lectura e votación da acta da asemblea anterior
2.Admisión de novas/os socias/os e ratificación de baixas
3.Exposición, debate e aprobación do informe de xestión
4.Exposición, debate e aprobación do informe de contas
5.Exposición, debate e aprobación das propostas de acción para o próximo exercicio
6.Rolda aberta de intervencións
Documentación para a Asemblea
A partir do día 22 de febreiro estará ao dispor das socias e dos socios a documentación para a asemblea a través do web da CTNL: acta da asemblea anterior, informe de altas e baixas de socias/os, informe de xestión e propostas de acción para o próximo exercicio. Nese momento, enviaráseche un correo-e con acceso a eses documentos, para que, deste xeito, poidas preparar mellor as túas achegas e propostas e así facermos entre todas e todos unha asemblea máis áxil, dinámica, participativa e produtiva.
Atentamente,
Nel Vidal Barral
Presidente da CTNL
Santiago de Compostela, 11 de febreiro de 2013
Xantar de confraternidade
O mesmo día da Asemblea da CTNL celebraremos, no mesmo espazo, un xantar de confraternidade lingüística, no que nos gustaría contar coa túa participación.
-Lugar: Restaurante A Nave de Vidán (Avda. da Mestra Victoria Míguez 44. Santiago de Compostela) www.anavedevidan.com
-Hora: 14.30 h.
-Menú: cocido (con sopa de cocido, cacheira, lacón, costela, polo, vitela, garavanzos, patacas, verdura e chourizo. Filloas e orellas de sobremesa, viño mencía, cafés e licores).
Quen quixer xantar outra cousa, debe indicalo no momento da inscrición.
-Prezo: 25 euros.
-Confirmación: debes confirmar a túa asistencia ao xantar ata o 22 de febreiro, no enderezo-e info@ctnl.org ou no teléfono 629 571 950.
