Umm… que é isto do Viveiro?
Pois é un espazo de intercambio de ideas e traballo conxunto para que as traballadoras e os traballadores de normalización lingüística poidamos poñernos en contacto, coñecer e presentar propostas e ideas de accións normalizadoras, buscar xente coa que intercambiar impresións e colaborar na maduración e posta en marcha desas propostas, etc. A idea é que deste espazo ou laboratorio nazan e se poidan desenvolver actividades, accións, campañas, obradoiros, produtos normalizadores, etc.
–Accede á información completa no web da CTNL >
Vale! Como fago para participar?
Moi sinxelo. En primeiro lugar, abonda con que cubras o formulario no web da CTNL.
Se ademais queres presentar un proxecto, unha idea, etc., debes descargar esta ficha, cubrila explicando en que consiste a túa idea ou proxecto, e enviala por correo electrónico a viveiro@ctnl.org.
E, para poder organizarse ben, isto debes facelo até, como máximo, o 23 de maio de 2012.
Lembra que a xuntanza inicial de posta en marcha do Viveiro é o mércores 30 de maio de 2012, ás 17.30 h, na Facultade de Filoloxía de Santiago de Compostela (Aula 12).
Ti seguro que tes algunha idea ben xeitosiña!
