Máis alá! Participa no web da CTNL
Dentro do apartado Actualidade do web da CTNL hai unha sección que leva por nome Máis alá.
Este é o espazo para publicar opinións, entrevistas, análises, etc., e que procura canalizar e difundir as colaboracións dos socios e das socias.
A túa opinión e participación é moi importante!
Entón, agardamos poder contar contigo.
INFORMACIÓN E CRITERIOS BÁSICOS PARA COLABORAR NO WEB DA CTNL (.pdf)
Como podo colaborar?
Na sección Máis alá hai en principio tres tipos de contidos: opinións, entrevistas e análises.
Ti podes enviar un artigo de opinión sobre calquera tema concreto relacionado coa defensa e promoción da lingua galega, con propostas ou análises sobre o proceso de normalización, con experiencias sociolingüísticas concretas, con accións de impulso ao uso social do galego, con experiencias útiles ou favorábeis para a dinamización da lingua, con cuestións concretas ou xerais de política lingüística, con temas puntuais e de actualidade, etc.
Tamén podes facerlle unha entrevista a algunha persoas relevante no proceso de normalización, a socias e socios da CTNL, a técnicos/as de normalización, a responsábeis de SNL, ENDL, asociacións, empresas ou outras entidades, etc.
Ou podes compartir algunha análise ou avaliación de accións de normalización, de campañas, de proxectos, etc. Algunha análise de novas publicacións ou ferramentas para a lingua (libros, dicionarios, vocabularios, software, sitios web, ferramentas dixitais, manuais, etc.).
Podes consultar os criterios básicos de colaboración e enviar a túa achega ao enderezo electrónico participa@ctnl.org.
INFORMACIÓN E CRITERIOS BÁSICOS PARA COLABORAR NO WEB DA CTNL (.pdf)
Agardamos a túa participación!
